شمروخ الأراجوز
36
رسائل إلى ليلى العامرية قصيدة قديمة

أتنسم ريح مضاربك
أذوب على صدر الليل لأنشق عطرك
وحين تطالعنى عيناك
يفاجئنى الألم
فأخفى عنك الاهات المصرية
أخر أغنيتى المقهورة
وأغافل رسل الأمويين
لأهدى لك باقة أيام وردية
ولأمل كفيك بحلم من فرح وثنى
لكن قصائد السرية
تكمن خلف ثنائية نفسى
حين تجاوز حد الإفصاح
تعود إلى مكفنة برماد الشمس
أحلم بالشطان وباأنهار
ولما أتلفنى العطش البدوى
لغانية الدلتا
صاحبت الركب الراحل للكوفة
القافلة ارتحل سرا عنى
خوف نواطير العربان
ضاعت منى آثار العودة يا ليلى
لشواطئ عينيك.. وللحب
آلقانى الأخوة فى الجب
لقاء جداهم أصحاب حقول الزيت
وأنقذنى بعض السيارة.. لكن
أنكرنى أهل البيت
فمن يدفع دينارا.. فى عبد عاشق؟
حلمك يا بنت العم يؤرقنى
حلمك عصرى
والقرن العشرون بعيد
وأنا لا أملك ألا سيفا صدئا
من شعر وحديد
وبقايا منشور سرى
وغذائى ملح وقديد
تتعقبنى أعين صاحب مصر
يكرهى حاكم مكة وولاة المغرب
وقضاة الشام أحلوا دمى
فطاردنى الحجاج
ببيداء تهامة والسودان
أخفيت الحلم بكمى
وتخفيت لكى لا يعرفنى العسس الليلى
وجئتك لا أعرف فى هذى الأرض
سوى بحار من أهل البصرة
قالو لى يملك خارطة الزمن
يسفر سفر الرؤيا
لكن مات بدءا السل
وكان يقول الشعر
فعاش شقيا تأكله الحسرة
….
أعطانى بعض العشاق
عناوين رجال عبروا نهر الأردن
بخبز وبنادق
لكنى ضيعت الأوراق وضعت
لما دهمتنى داوريات الحرس
الإسرائيلى بسيناء
يا من يوقظ حراس الأسوار
ويأخذ عمرى
أحذريا أصحاب الدار
يصل الأعداء مع الفجر
فاغفر لى يا صاحب كل الشرطة
أنى أعشق ليلى
وملامح أمى
وأغانى فيروز، وضحكة ولدى
إغفر لى آثار سياطك
تنهش ظهرى
وتجهز للقاء التتر
هذا جسدى قربان
فاغفر لى مزق جسدى
أنثره على جدران السجن
وفوق جذوع الأشجار
وأسقى عسكرك وسمارك
من دمى المهدور
-ولكن-
أيضظ حراس الدور
أو أخرج للقاء عدوك-قاتل
لا تغرق فى وحل العار
مصلوب قلبى يا ليلى
فوق شواطئ نهر النيل- المأسورة
إيزيس اغتصبت
فابكى يا خاتمة المدن المنصورة
يتناسى أهلى أسماء الشهداء
وينكر أهلك أنا كنا نبنى مدنا
من عظم الموتى
فأداروا ظهرهمو للشمس
ورحلوا خلف الأوهام الأمريكية
فتعالى أنت إلى أنظر فى نافذة عيونك
كى اتطهر من أدران قرون العرب-الوسطى
وأصارع ألمى
أخرج من جلد الشاعر أشهر سيف الثوار
تطلقنى عينك من جب الاهات المصرية
والاغنيات المقهورة
نخرج من أوهام الحزن
إلى رحم الثورة
نحترق بلهب الحب
فتكتمل الأسطورة
نولد فى خاتمة الليل
عصافير زرقاء
تنقر شباك الريح الشرقية
نعبر نهر الأردن إلى الوطن الطالع
من جرح الشعراء العشاق
ومن أحزان الفقراء-
المصلوبين على أطلال الأنظمة العربية
مبررات للجنون
كان إيه يا مجنون-جننك؟
كنت ابتديت بالعقل ويا الوطن
حلمت له بجناح من الفضة
وبجناح من حرير
فكرته أنه من البداية كبير
وترابه كان شوك وفتح
من عرق فلاح
فى بحر أحزا دموعهم
عشق- أتوضى
عاصى على الاجنبى
وبيكره الصحرا
خافض جناحه
ولين ويا كل غريب
ما دام صديق وحيب
وعرفته من بدرى طيب
على واجب الحق
عمره ما يطلب الأجرة
صانع حضارة
ويعرف يعنى أيه العيب
لكنى لما رأيته بيدخل السراديب
خايق خياله
قهراه عمايل عياله
بيشوى كبدته للديب
بيغى للعسكرى شكرا على التعذيب
فى عز قهرة بؤونة
وتحت جمرة أبيب
دمعة قريب وسهل
غلبوه بسيف المغالطة وغللوه بالجهل
ضايع لقلة رباية ورا أدان مالطة
بيبيع لقلة دراية أعز أطفاله
مع أن هو اللى فلسف منطق الألاعيب
ولعب المماليك على الشنكل
وعمل مفلس يشتم السلطان
قلبى انفطر لما شفته كإنه فى مقتل
مضروب على بطنه
تايه عينه مكسورة
سايقينة قهر وضحية لتل أبيب وللكورة
شئ انكسر جوه ورحى
عقلى منى شت
لقيتنى باحجل على ايديه ورجلية
قفايا بليد.. ومتسنح
كافة كفوف اللى يسوى
واللى ما يسواش
م الغزو الأوباش
نازلهة علية كالمطر
فى غل ومجاملة
وكإن أن اللى عامل العملة
خمسة وعشرين سنة قنزوح
وداير اتلط
وكإن أنا اللى فى الزفة
متفرعن وقالغ ملط
باشكى همومى لجوز أمى
ومش عارف أفك الخط

وجاى تسألنى
إيه يا اهبل مجننى
الانتخاب الطبيعى
الورد كان شوك
ومن عرق الأجير لون
رغم القانون الانتخاب الطبيعى
اللى كشف اسراره عمك دارون
حيث قال بإن الأصل كنا قرود
فى معركة للموت بلا نهاية
ومن البداية-ضحايا
لملوك أسود وفهود
دلوقتى راجع قانون الانتخاب يتحكم
يحق حق الأقوى فى لحمك وفى دمى
يدى حصانة للى عاش يظلم
غشوم أمى
يعمى بوهم الحلق اللى مالوهش ودان
وويضيع الإنسان بتذكره ف صندوق
متزورة فى أغلب الأحيان
وحبرها مسروق
تساوى بين الحق والمحقوق
تذل غيط القمح بالبرقوق
متلونة حروفها بقديم همى
وكل علقة بعد علقة تفوت
ما يحق ليه إلا اختيار الموت
من يعد ذلة عيشتى لقمة عيش
شرعى وقانونى بينهم اتقسم
بالسيف يا بالنبوت
يطلع سيادته على الشاشات يتبسم
مختوم يفرفر صحة وتباته
دايس عليه بشماتة
مع أه بيحكم باسمى بكل فخر وذوق
وأنا بين إيديه زى الوطن سلفوت
مع كل كلمة كدب اتجرح
رغم أن شوك الوطن من عرقى يتفتح
وعشت نفسى قانون الانتخاب ينصفنى
يرد لى حقى الطبيعى-أعيش
من غير ماكف الإفترا تشحتفنى
ولا هيلمان الكدب يجحفنى
يدينى حق الاكتئاب الطبيعى
أصبح ضحية طبيعى
لإنتخاب غير طبيعى
لعذاب مصير الضغف كتفنى
وبمر آخر الصبر خوفنى
عايزين مصر حرة
عايزين مصرى حر
عايزين جيش يحمينا
مش يسقينا المر
شعارات لغضب الشوارع
يا عساكر إحنا اخواتكم
ليه تحموا اللى خربوا بلادكم
وسلموا رقابنا لأعادينا
ولأمريكا تحكم فينا
وتخلى اللصوص أسيادكم
مصر جنة وخيرها ياما
اكشفوا عنها الغيامة
واوعى تقول لى حسنى وانور
مصر ملانة عقول بتنور
فى طريق الحرية علامة
يا بتاع الضربة الجوية
ليه ناعم ويا الحرامية
بعتم مصر نهبتم خيرها
قابض منهم كام فى المية؟
من نهنهات المشيب
يا حسرتك من قدرتك ع الاعتذار للغير
وغيتك تظلم مع الغير روحك
غلطة سواك تلاقى لها ميت تبرير
وغلطتك لو سهو تدمى جروحك
عايش ضحية لغباوة حضرتك يا سمير
منذ البداية هواك يهد طموحك
عدو نفسك بلا حجة ولا تفسير
لا صمت نصفك ولا هون عليك بوحك
الكلاب
كن إيدك
ياللى أعماك قهر سيدك
سم دسه فى وريدك؟
وألا ماء الذل من عصر الجوارى
فى النافوخ عفن يكيدك
فبقيت شومة وشوك
ضفر بومة-ودودة مجارى
عار على راية بلادى
عار على أولادى وعلى اللى خلفوك
يا عدو نفسك عدو أولادك
عدو امك وابوك
يا سبة فى جبي اللى باقى حى-
صاحى من طينة بلادى
قلب ميت كنت وألا شوهوك
لجل تصبح لعنة حية عليه-
فى إيدين الأعادى
كن إيدك
قطع إيدك
قطع إيد اللى علين-كلب مسعور-
سلطوك
فزع الكابوس العائلى
أسمر يا نيل محلا سمارك
لكن السموم مالية عكارك
قوم شد مرخى أوتارك
وهز عاقر أشجارك
خلص من الخونة ديارك
م اللى هدم عالى جدارك
لخفن من الجهل مسارك
لخمك فى حسابات اصفارك
وبلاك بلعنة خوف جارك
وأجبروك باللقمة تبيع
وتضيع وتهتف لمبارك
يا مصر كنتى الجملية
فجر الضمير الأصلية
أم التاريخ النبيلة
صرتى الشحيحة البخيلة
وسط الأكابر عويلة
ما فيش لحبك وسيلة
ضهرى انقطم بالشيلة
وباطى خضر نجيلة
من المصيبة التقيلة
فجر العدو وغدرنى
نحرنى حكم العلية
هى البلد دى صابها جنان
وألا ركبها غصب شيطان
نساها إيه معنى الأوطان
فأدمنت قهر الإنسان
نشفت ينابيع الوجدان
مابقاش لها فى العص مكان
شربت سموم عدم الإمكان
وقعت فى إيد كيد النسوان
تخلص من المخفية جيهان
الخبرة فى شفط البهاريز
تقع أرابيزست سوزان
رموك يا مصر فى سوء الحال
وباعوك ربا فى سوق المال
لا حماك رضاك ولا راق البال
يا جمل وعلتك الجمال
تلتل على ضهرك لاحمال
عدمى وياه كل خيال
نساكى حواديت الأبطال
وسلمك للصوص وعيال
قهروكى لجل تردى سؤال
فزورة بايخة جوابها العار
نختار علاء بيه والا جمال؟
يا طومبه
الحزب الوطنى أرحم وألا الإخوان؟
الحزب الوطنى بيمارس طغيانه
على أكلك، شربك، لبسك
لكن الإخوان بيمارسوا الطغيان
على قلبك، روحك، فكرك
وأن جيت للحق، أنا مش طايق الاثنين
ولذلك قررت أخش ف جلدى
لغاية ما يبانلى صحاب-اشتراكيين
آه اشتراكيين/هوه أنا عكيت؟
قصدك يعنى أن أنا مادريتش
بخيبة السوفيت؟
لأطبعا دارى
أنا قصدى اشتراكيين حمارى
صايعين من طينتى
فايتين على كل حكاية أنا قايت فيها
سنتى بسنتى
مش يعنى عيال أحزاب حسب الأحوال
مرة ف كشف السلطة
ومرة ف كشف العمال
أهو دول لا مؤاخذة ألعن وأضلا سبيلا
م الحزب الوطنى والأخوان
دول زى الجرب اللى بيلزق
على روح الإنسان
يعنى مالوهش دهان
يعنى أن صابك قرى على نفسك
أو أقولك أقلع لبسك واجرى. اجرى
جايز تتجنن.. جايز حتى تموت
على كلن أحسنلك أحسن ما تعيش شرم
شر.. إيه؟ شر..إيه؟
شرفت القعدة يا بيه
خليك مبسوط مستغجل ليه؟
كل الاحزاب الوطنية ف الحفلة
بتلبس سوارية
وبترقص على لحن العسكر
دى الوقتى نلم فلوس من بعض ونسكر
دى الوقتى العالم يصغر.. يصغر
ويخش معانا الأوضة ويصبح سهل
وقابل للتغيير
بس اتأكد يا طرمبة إنخك لما تفوق
حتلاقى أنك لسة اسم الله عليك
متربع على إيه؟ على إيه
قولى أنت أصل أنا مخنوق
أصل اللى ما بيتسماش حصل زورى
بقيت مكتوم من تحت ومن فوق
الحزب الوطنى. الشيوعيين. الإخوان
اله يخرب بيت لعيبة الكورة
.. مافيش اجوان

شعر.. سمير الأمير